杨庆春
唱山歌有名堂，专唱扶贫大文章。
句句唱出扶贫事，真帮实扶万里香。
“四个并举”来扶贫，条条措施像团金。
真金言语吞落肚，人人紧记会担承。
省直单位十八厅，挂村到户点实名。
贫困村户齐鼓掌，花又红来叶又青。
扶贫同志情义深，千山万水都来寻。
山高想法开公路，水深又有造桥人。
山穷水瘦唔弃嫌，落力扶贫会变靓。
等到脱贫致富日，黄连猪胆都变甜。
月光无火都柬光，坳里无风也柬凉。
扶贫扶到点子上，高山打鼓远传扬。
赤脚过河唔怕沙，敢行夜路唔怕蛇。
一心只做扶贫事，天塌下来笠麻花。
扶贫同志重民生，真帮实扶做到赢。
人生好比过冬树，一到交春叶又青。
唔系注定命贫穷，唔系路歪运唔通。
扶贫带来出头日，南蛇脱壳会变龙。
